ROXAS CITY – Ginpasalig ni Kapitan Vincent Almado, ang bag-o nga ABC President sa banwa sang Panay nga padayunon sini ang mga naumpisahan nga mga programa para sa ila liga sang nagtaliwan nga si Kap Badoles.
Sa interview sang Bombo Radyo kay Kapitan Almado, ginpahayag sini nga iya tinguhaan kaupod ang mga kapitanes kun paano matigayon ang mga programa sang Liga ng mga Barangay.
Dugang pa sini nga may mga nakapreparar naman ini nga mga plano.
Ginakabig man ni Kap Almado nga dako nga pagpanghangkat ang iya pagpungko bilang bag-o nga Liga ng mga Barangay President bangud indi suno diri matupungan ang mga nahimo ni Kap Badoles apang himuon sini ang kutob niya nga masarangan.
Ginlaragway sini nga mabuot kag maayo sa pagpanerbisyo ang nagtaliwan nga anay Liga President.
Mahibaluan nga una ini nga bes nga nakapungko bilang Liga ng mga Barangay President si Almado kag nangin Vice President sang Liga sang makaduha ka beses.
