Gin-aprubahan sa 3rd and Final reading sang Kamara ang House Bill No. 9642 ukon “New Espionage Act” nga may boto nga 247 pabor, 10 ang indi pabor kag wala sang abstention.
Katuyuan sang nasambit nga proposal nga pabaskugon ang depensa sang pungsod batok sa pagpangespiya, cyber-enabled spying, pag-atake sa kritikal nga imprastraktura kag iban pa nga pamahog sa seguridad sang pungsod.
Kalakip sang sakop sang proposal ang wala ginatugutan nga pag-uyat ukon pagbuyagyag sang classified information, ilegal nga pag-access sa defense facilities kag pagsulod sa mga protektado nga national security assets.
Life imprisonment kag multa nga P10 million tubtub P20 million ang natalana para sa pagpangespiya kag pagkunsabo sa paghimo sang espiya.
Matapos ma-aprubahan sang Kamara, kinahanglan nga mag-agi sa proseso sang Senado ang hagna antes ini mangin laye.
