JAMINDAN, Capiz – Padayunon sang bag-o nga Commander sang 3rd Infantry Division (Spearhead), Philippine Army, ang mga programa kag pagdumala nga sang anay commander nga si Major General Michael G. Samson, Philippine Army.
Sa pahayag ni Brigadier General Joey A. Escanillas, Philippine Army, iya ginpahayag nga mangin madasig ang pagpadayon sang iya mission kun sa diin mapreserba ang kalinong kag maprotektahan ang Pilipino community nga may tinutuyo man nga mapasangkad ang pagdevevelop sa area sang pungsod Pilipinas.
Suno kay BGen. Escanillas pagaunahon niya nga pagatutukan ang pag tapna sa miyembro sang nabilin nga Communist Party of the Philippines ” CPP”, New People’s Army “NPA”, sa lugar sang Panay kag Negros agud masigurado ang kaluwasan sang kominidad batok sa mga rebelde.
Pahayag pa niya nga pinaagi sa amat-amat nga pagtapna sa mga nabilin nga miyembro sang Communist Party of the Philippines-New People’s Army “CPP-NPA”, mas mapalig-on ang territorial defense sang pungsod kag mas maprotektahan ang komunidad batok sa peligro sa seguridad.
Dugang pa sang natungdan daku man ang bulig sang Humanitarian Assistance and Disaster Response “HADR”, nga naga koordinar man sa Office of Civil Defense kag Municipal Disaster Risk Reduction and Management Office “MDRRMO” samtang gina pa-expect niya nga damu pa ang matabo nga kolaborasyon kag proactive efforts sa sa bulig man sang Local Government Unit “LGU”, National Agencies, kag Local Government Agencies.
Nahibaluan nga si BGen Escanillas, nga isa ka tumandok sang Alimodian, Iloilo, indi na bag-o sa 3rd Infantry Division bangud antes sang iya pagtalana bilang Division Commander nagserbi siya bilang Assistant Division Commander sang unit kag nangin Commander man siya sang AFP Joint Task Force Cebu kag sang 302nd Infantry Brigade nga nakabase sa Negros Oriental, kun sa diin nangin kabahin siya sang kampanya batok sa insurhensya sa Isla sang Negros nga nagtuyo sa pagpalig-on sang kalinong kag kaayuhan sa rehiyon.
