Bag-o nga fire truck, makabulig sa mas epektibo nga pagresponde sang BFP sa banwa sang Panay, Capiz

Daku nga bulig ang bag-o nga fire truck sa pagpalig-on sang serbisyo sang Bureau of Fire Protection (BFP) sa banwa sang Panay.

Sa interview sang Bombo Radyo kay Fire Senior Superintendent Atty. Eden Altamia Baua, Capiz Provincial Fire Marshal, iya ginpahayag nga makabulig gid ang bag-o nga fire truck sa mas epektibo nga pagresponde sang BFP, indi lang sa sunog kundi man sa iban pa nga mga emerhensya.

Suno kay Baua, makabulig man ini agud malikawan ang mechanical failure sang mga fire truck samtang nagaresponde sa mga emergency.

Dugang pa sini, pinaagi sa bag-o nga fire truck, mas mapalig-on pa ang kapasidad sang BFP sa paghatag sang mas maayo kag mas madali nga serbisyo sa tion sang emerhensya.