Nagapati ang pamunuan sang Panay Fire Station nga daku ang mabulig sang bag-o nga fire truck sa pagpadasig sang pagresponde sang Bureau of Fire Protection (BFP) sa tion sang sunog kag iban pa nga emerhensya sa banwa sang Panay kag sa kaiping nga kabanwahanan.
Sa interview sang Bombo Radyo kay FO3 Don Anthony Falcis, Public Information Officer sang Panay Fire Station, iya ginpahayag nga ang bag-o nga yunit magapalig-on sa kapasidad sang Panay Fire Station sa paghatag sang mas epektibo kag mas madasig nga serbisyo sa komunidad, ilabi na sa mga insidente nga nagakinahanglan sang madamo nga suplay sang tubig
Matandaan nga ginturn-over kag gin-commission ang bag-o nga fire truck sang Panay Fire Station sang Miyerkules, Hulyo 22.
Ang nasambit nga fire truck may kapasidad nga 500 gallons ukon kapin 5,000 litros sang tubig, nga makabulig sa pagresponde sa mga sunog kag iban pa nga kalamidad.
Nagpasalig man ang natungan nga ang benepisyo sang bag-o nga fire truck indi lamang sa mga residente sang Panay kundi pati man sa mga kaiping nga banwa nga mahimo nila mabuligan sa tion sang nagakinahanglan nga mga operasyon pinaagi sa mutual aid response sang Bureau of Fire Protection.
