Malipayon ang hepe sang Ivisan Municipal Police Station matapos nga na-turn over na sa ila ang bag-o nga police station nga ginponduhan sang Department of Public Works and Highways.
Ginpahayag ni Police Captain Greg Anthony Salbang nga kasubong na-boost ang ila morale bangud may kaugalingon na sila nga talatapan.
Ginkumpirma sang opisyal nga ang duta nga ginatindugan sang edipisyo ang gindonar sang Local Government Unit sang Ivisan.
Kasunod sang bag-o nga police station ang pagpasiguro sang mga kapulisan sang Ivisan nga ila paayuhon ang pagserbisyo sa mga pumuluyo kag ipabilin ang kalinong kag katawhay sang lugar.
Nahibaluan nga 3 storey building ang bag-o nga istasyon sang pulisya nga dapat sang bulan pa sang Disyembre sang nagligad nga tuig natapos, apang bangud sa pandemya na-atrasar ang konstruksyon sini
Suno kay Salbang nga posible sa ini man nga bulan sang Abril maga-transfer na sila sa bag-o nga police station.
