Nagpaandam ang grupo nga Philippine Chamber of Telecommunication Operators (PCTO) ang posibilidad nga bag-o nga istilo sang mga messaging scam sa pungsod.
Suno sa grupo, ang bag-o nga messaging scam, ang kaya nga makasulod ukon makapadala sa mga users nga wala nagaagi sa filtering system.
Sa ginpaguha nga statement sang grupo, ginapalig-on sini ang mga industry players kag ang gobyerno nga mabuligan agud mapunggan ang panibag-o nga istilo sang text scams, ilabi na nga nagahimo man ini sang mga cybercriminal nga sudlon ang mga barrier ukon filter nga ginbutang sang mga telco agud mapunggan ang pagsulod sang mga text scam.
Ginakahadlukan sang grupo ang tayuyon nga pagpadala sang mga scammer sang mga mensahe nga pasal-an nga matuod kag nagaganyat sang ini nga magpati ang mga users nga nakakabaton sang mga nasambit nga mensahe.
Pila sa mga ginhalimbawa sang grupo nga ginagamit man sang mgaa scammers amo ang mga foreign Sim card, fake cell towers, kag mga imported nga spoofing devices.
Paagi diri, nahihimo sang mga scammers nga magpadala sang mga mensahe sa ila mga target nga mga biktima kag magpang-scam.
