IVISAN, CAPIZNangin madinalag-on ang ginpatigayon nga turn over ceremony/inauguration and blessing sang bag-o nga Ivisan Municipal Police Station sa Poblacion Norte, Ivisan, Capiz.
Ginpahayag ni Mayor Felipe Neri Yap nga gindonar sang local government unit sang Ivisan ang duta nga ginpatindugan sang bag-o nga istasyon sang Ivisan PNP.
Suno sa alkalde nga madugay na nga ginplanuhan ang nasambit nga talatapan, apang ginakapos lamang ang pondo sang PNP.
Nagalab-ot sa P7 million ang pondo nga ginpa-in para sa konstruksyon sang Ivisan Municipal Police station.
Ginpahayag pa ni Mayor Yap nga importante ang papel sang mga kapulisan sa ila banwa bangud sila ang nagapabilin sa kalinong kag katawhay sang lugar.
Samtang nangin dinapit nga bisita sa nasambit nga kahiwatan sanday Governor Esteban Evan Contreras II, representatnte sang Regional director sang DPWH Region 6 kag Police Brig. General Rolando Miranda Regional director sang Police Regional Office 6.
