Didto sa Bhopal, India isa ka bag-o ang nagbulagay pagkatapos sang makapila ka beses nga kapaslawan sa pag-akomodar sang ila mga hinuptanan sa ila puluy-an.
Suno sa mga sources gikan sa Bhopal Family Court, ang wala ginhingadlan nga mag-asawa una nga nagkit-anay kag nangin suod nga mag-abyan bangud sang ila hilig sa mga sapat.
Pagkatapos sang kasal kag pag-istar sa isa ka balay sang Disyembre 2024, ang sitwasyon nagsugod sa paglala.
Suno pa sa babaye, sulit-sulit nga gina-harass kag gina-atake sang ido sang iya bana ang iya kuring.
Samtang, ginpanindugan naman sang lalaki nga gin-athag niya bisan antes pa sila makasal nga indi mahimo nga dal-on sang babaye ang iya mga hinuptanan sa tion nga mag-updanay sila.
Madamo nga beses nga ginrekomendar sila nga magpaidalom sa marriage counseling, kag ang ila mga himata nagtinguha sa pagpasilabot. Apang ang duha ka bag-ong kasal padayon nga nagadampig sa ila mga hinuptanan.
Sang ulihi, nagdesisyon sila nga magdiborsio.
