Nagplastar ang Department of Education sang bag-o nga learning programs para sa mga buluthuan nga apektado sang mga kalamidad.
Ini amu ang Dynamic Learning Program (DLP) nga may katuyuan nga masolusyunan ang mga naatrasar sa mga klase tuga sang mga kalamidad kag iban pa nga mga pagpanghangkat.
Pagasuguran ang pilot implementation sang programa subong nga Nobyembre sa mga eskwelahan nga naapektuhan sang bagyo sa Ilocos region, Cagayan Valley, Central Luzon, Calabarzon (Cavite, Laguna, Batangas, Rizal, Quezon) Bicol region kag Cordillera Administrative Region.
Sa idalom sang nasambit nga inisyatiba, mahimo nga magpatigayon sang make-up classes ang mga apektado nga buluthuan kag gamiton ang DLP activity sheets nga simple lang, targeted kag adaptable sa temporary learning spaces.
Subong man mahimo nga magpatigayon sang parallel classes, activity-based engagement, student portfolios, kag reduced homework policy.
Ginaganyat man sang programa ang mga estudyante nga tun-an sang maayo ang mga leksyon kag hanason ang mga essential skills kasubong sang pagsulat, problem-solving kag critical thinking.
Ginhimo sang DepEd ang amu nga inisyatiba kasunod sang pila ka semana nga suspensyon sang mga klase sa nagkalain-lain nga bahin sang pungsod bangud sa mga asud-asod nga bagyo.
