Bag-o nga LPA, na-monitor sa sulod sang Philippine area of ​​responsibility

Isa pa ka low pressure area (LPA) ang nasiplatan sa sulod sang Philippine area of ​​responsibility (PAR).

Nakit-an ang sentro sini sa masobra 900 kilometers nasidlangan sang Northeastern Mindanao.

Suno sa state weather bureau, indi pa sigurado kon ano nga lugar ang posible nga maigo sini kon mag-landfall ini.

Ginpasalig sang ahensiya nga padayon ang ila pagmonitor sa nasambit nga LPA kag gilayon nga magahatag sang abiso sa tion nga may magbag-o sa kondisyon sini.

Sa subong, wala direkta nga naapektuhan sang nasambit nga sistema ang pungsod, apang ginapanugyanan ang publiko nga magpabilin nga alerto kag magpamati sa opisyal nga weather advisories.