Kadungan sang ika-75 nga anibersaryo sang siyudad, ang Official Seal kag Official Flag sang Roxas City ginbag-o pinaagi sa isa ka ordinansa nga gin-aprubahan sang aton mga katapo sa Sangguniang Panlungsod.
Ang City Ordinance No. 040-2026 nagaangot sa pag-ilis sang duha ka tuldok sa kilid sang Roxas City Official Seal sang “1951” — ang tuig nga gindeklara nga siyudad ang Roxas City.
Ang anay Banwa sang Capiz isa sa mga una kag importante nga sentro sang komersyo kag kultura sa Isla sang Panay.
Matandaan, sang Mayo 12, 1951, pinaagi sa Republic Act No. 603, opisyal nga nangin syudad ang banwa kag gin-hingadlan nga Roxas City bilang pagpasidungog kay anay Presidente Manuel Acuña Roxas, ang una nga president sang ika-tatlo nga Republika sang Pilipinas kag isa ka pinalangga nga anak sang Capiz.
