ROXAS CITY – Gintalana bilang bag-o nga Officer-in-Charge sang Davao City Police Office si PCol. Sherwin Butil.
Ini matapos pahalinon sang pila ka oras pa lamang nga matalana sa pwesto bilang pinuno sang Davao City Police Office si Police Col. Lito Patay.
Suno kay Police Regional Office (PRO) 11 Spokesperson Police Major Catherine dela Rey epektibo ang nasambit nga kasuguan sumugod subong Hulyo 10, 2024.
Samtang, pagapamunuan naman ni Patay ang Regional Operations Division sang Police Regional Office 11.
Samtang si PCol. Alberto Lupaz naman ang magapungko sa ginbakante nga posisyon ni PCol. Butil nga pinuno sang Regional Information and Communications Technology Management Division.
Matandaan nga ginpapanaog sa pwesto ni PRO 11 Director Police Brig. General Nicolas Torre III ang Director sang Davao City Police Office kaupod ang 19 nga station commanders matapos ang ginapahayag discrepancy reporting angut sa mga natabo nga patyanay kag rape sa nasambit nga lugar.
