ROXAS CITY –Plano sang alkalde sang banwa sang Tapaz nga magpatindog sang kaugalingon nga ospital ang ila munisipyo ngamay yara sang 150-200 bed capacity.
Ginpahayag ni Mayor Roberto Nonong Palomar, nadihon ini nga plano sa iya pinsar, bangud sa iya nasaksihan sang nagbisita sa Tapaz District hospital kag natukiban nga may yara lamang ini sang 25 bed capacity nga sarang maakomodar nga pasyente.
Suno sa alkalde nga isa ini sa ginakabig nga ‘’Ultimate Project’’ sang iya administrasyon nga may tinutuyo nga mabuligan ang iban pa nga mga pasyente ng Tapaznon.
Aminado man ang opisyal may kakulangan ang Tapaz District hospital nga yara sa idalum sang superbisyon sang gobyerno probinsiyal, indi lamang sa bed capacity kundi subongman sa kagamitan nga ginagamit sa amo nga balay bululnga.
Bangud diri magapatindog sila sang isa pa ka ospital sa ila banwa agud mabuligan ang mga pumuluyo nga may yara sang balatian.
