-- ADVERTISEMENT --
May yara naman sang bag-o nga petition ang grupo sang mamumugon nga dugangan sang P250 ang daily minimum wage sa Western Visayas.
Ini ang ika-apat nga wage petition sa Regional Tripartite Wages and Productivity Board 6 (RTWPB-6).
Suno sa United Labor Alliance-Western Visayas (ULWV), indi na makaigo ang sweldo subong sang mga mamumugon bangud sa padayon nga nagataas nnga presyo sang gatong kag sa nagataas man nga presyo sang mga balaklon kag serbisyo.
Pahayag sang grupo, ang balor sang sweldo subong ang yara na lang sa P407 kag indi na ini bastante para makahatag sang desinte nga kabuhi sa isa ka pamilya.
-- ADVERTISEMENT --
