ROXAS CITY – Dako nga bulig para sa mga estudyante ang bag-o nga pagsuluktan sa pletehan sa syudad sang Roxas.
Sa interview sang Bombo Radyo kay alyas Nene estudyante, ginpahayag sini nga bilang isa ka estudyante importante sa ila ang kada piso ilabi na sa mga nagaboard sa syudad bangud mabudlay i-budget ang allowance ilabi na kung madamo sang mga balayaran sa eskwelahan.
Suno diri nga indi sa gihapon madula nga may mga tricycle drivers nga nagareklamo pag-abot sa pagsuluktan sa pletehan, bangud siya mismo suno diri ang naka-eksperyensya.
Mensahe sini nga bangud may taripa na nga ginpaguha kun tani sundon ini sang mga tricycle drivers kag indi na magpanukot pa sang sobra-sobra ilabi na sa ila nga mga estudyante.
Matandaan nga sa ginpatigayon nga public hearing nakasugtan ang P15.00 nga regular fare sa 2 ka kilometros kag dugang nga P5.00 sa dugang nga kilometros.
Apang sa mga discounted nga pasahero magabayad lamang ang mga ini sang P10.00 nga plete kag subong man dugang nga P5.00 sa another succeeding kilometers.
