TAPAZ, CAPIZ – Makabig nga isa sa pinakadaku nga “achievement” sa mga Tapaznon ang pagpahamtang sang Tapaz Transport Terminal sa amo nga banwa.
Suno kay Tapaz Mayor Roberto “Nonong” Palomar nga natigayon nga mahuman ang nasambit nga terminal tungod sa kooperasyon kag suporta sang mga pumuluyo sang Tapaz.
Dugang pa ni Palomar nga padayon ang ila paghatag sang maayo nga pagserbisyo sa mga pumuluyo.
Sa pihak nga bahin, nangin mabinungahon man ang pagbukas sang Balay Turun-an Kang Panay Bukidnon sa Barangay Daan Banwa, Tapaz, Capiz.
Napuno sang nanari-sari nga duag sang kalipay kag paghirinugyaw ang apat ka parte sang Balay Turun-an bangud sa nanari-sari nga mga mensahe naggikan sa mga miyembro sang Indigenous People ukon IP’s.
Isa sa mayor nga rason kun ngaa natigayon nga mapatindug ang amo nga Balay Turun-an agud mangin balay dalangpan sang mga IP’s; mangin balay sa tion sang emerhensiya kag mangin balay sang edukasyon nga amo ang pinakanumero uno nga “purpose” nga luyag maangkon sang mga IP’s.
