Ginakabig nga posible nga mapabaskog ang boto para sa conviction ni Vice President Sara Duterte paagi sa bag-o nga two-thirds voting threshold nga ipatuman sang mga senator-judges sa impeachment trial.
Sa interview sang Bombo Radyo kay Atty. Ephraim Cortez, President sang National Union of Peoples Lawyers, iya ginpahayag nga ang 13 ka mga boto nga pabor sa pagpanubo sang voting threshold, kaupod ang presensya ni Senator Judge Mark Villar sa majority, mahimo mangin basehan sang conviction vote.
Suno kay Cortez, isa ini ka pagpanghangkat para sa depensa bangud sa pagnubo sang numero sang mga boto nga kinahanglanon agud malab-ot ang two-thirds threshold sa kaso sang impeachment.
Madumduman nga 13 ka mga senador-judges ang nagboto pabor sa pagpanubo sang voting threshold, isa ang nagboto nga No samtang anum naman ang nag-abstain bangud wala sila nagpasakop sa pagboto.
Nagalaum naman ang natungdan, dapat nga mangin maathag ang proseso sang pagboto kag sundon sang mga senator-judges ang gintalana nga constitutional requirement sa pagdesisyon sa kaso sang impeachment.
