BAGUIO CITY, Philippines – Ginpahayag sang mga opisyal sang Baguio City nga madali na nga kinahanglan ang pagtukod sang bag-o kag mas moderno nga wastewater treatment plant bangud wala na insaktu nga supply kag nagadamo ang pasilidad nga naga kinahanglan apang napaslawan ini sa pila ka environmental standards sang Department of Environment and Natural Resources ukon “DENR”.
Suno kay City Environment and Parks Management Officer Atty. Rhenan Diwas, nakabaton sang notice of violation ang lokal nga panguluhan matapos maglapaw sa ginatugutan nga lebel sang biochemical oxygen demand kag phosphate antes ini ginapaguwa sa Balili River.
Ang sewage treatment plant nga nagaserbisyo sa syudad sa sulod sang 35 ka tuig kag may kapasidad lamang nga magproseso sang 8,600 cubic meters nga wastewater kada adlaw.
Apang sa karon, nagaabot na sa 12,000 cubic meters kada adlaw ang ginaproseso sini bangud sa padayon nga pagdamo sang populasyon kag pag-uswag sang Baguio City.
Gina-estimar sang opisyal nga yara sa P1.2 bilyon para sa rehabilitasyon kag modernisasyon sang pasilidad.
Nakalab-ot naman sa P2.9 bilyon ang ginakabig nga kinahanglanon nga pondo para sa pagtukod sang bag-o kag mas moderno nga sewage treatment system.
Dugang pa sang lokal nga panguluhan nga padayon ang mga temporaryo nga pagkay-o kag maintenance works sa pasilidad samtang nagapangita sila sang pondo ukon grant gikan sa national nga gobyerno kag iban pa nga mga ahensya.
Sa padayon man nga pagpakig-angot nahibaluan nga importante masolbar gilayon ang problema agud malikawan ang mas mabug-at nga penalidad kag maprotektahan ang kalidad sang tubig sa Balili River kag iban pa nga nagaagi sa Baguio City kag mga kalapit nga lugar sa Benguet
