Magapatigayon sang SONA ng Bayan ang Bagong Alyansang Makabayan (BAYAN) kadungan sang ikalima nga State of the Nation Address (SONA) ni President Ferdinand Marcos Jr. sa Lunes, Hulyo 27.
Sa interview sang Bombo Radyo kay France Castro, former ACT Teachers Party-list Representative, ginpahayag sini nga isa na ka tradisyon sang ila grupo ang pagpatigayon sang hublag protesta kada SONA agud maipabutyag ang mga isyu kag panawagan sang nagkalain-lain nga sektor.
Suno kay Castro, ang SONA ng Bayan isa ka programa nga nagahatag sang tion sa mga organisasyon kag ordinaryo nga pumuluyo nga mapabutyag ang ila sentimyento, mga panindugan kag mga suhestyon angut sa kahimtangan sang pungsod kag sa mga isyu nga wala nahatagan sang nagakaigo nga pagtamod sang administrasyon.
Pahayag pa niya, tutukan kuntani sang Presidente ang sektor sang edukasyon, ilabi na ang paghatag sang dugang nga sweldo sa mga manunudlo agud mapauswag ang kalidad sang edukasyon sa pungsod.
Dugang pa sang natungdan, nagalaum ang ila grupo nga indi lamang mangin mga promisa ang mga ipahayag sang Presidente sa iya SONA, kundi matuman man ang mga programa nga iya ginsumpaan nga himuon antes matapos ang iya termino.
