Igarekumenda sang pamunuan sang Bagong Pilipinas Serbisyo Fair kay Speaker Martin Romualdez nga italakay ang Bagong Pilipinas Bill agud ma-institutionalize ini.
Suno kay House Deputy Secretary General Mr. Sofonias “Ponyong” Gabonada, ginhimo nila ang rekumendasyon bangud sa nangin madinalag-on ini kag milyon nga mga pumuluyo ang nanginpulos sa nagkalain-lain nga serbisyo na offer sang gobyerno.
Magluwas sa mga serbisyo, nahatagan man sang pinansiyal nga bulig ang mga kasimanwa naton.
Ginpahayag ni Gabonada nga sa madali nga panahon mangin layi na ang Bagong Pilipinas Bill mag-angkon na sang Bagong Pilipinas Serbisyo Tulong Centers sa nagkalain-lain nga bahin sang pungsod.
Dugang pa ni Gabonada sa nasambit nga layi masiguro nga mag-angkon sang insakto nga pondo, mag-angkon sang tama nga sistema kag mag-angkon sang tama nga implementasyon sang Bagong Pilipinas Serbisyo Fair.
Nagalaum si Gabonada nga hatagan ini sang higayon ni Presidente Ferdinand Marcos kag ni Speaker Martin Romualdez kag sang Kongreso ilabi na sa budget allocation sang nasambit nga mga Serbisyo Center sa tagsa ka probinsiya kun sa diin tanan nga ahensiya ang makit-an na sa isa ka building.
