Nag-resign na si Baguio City Mayor Benjamin Magalong sa posisyon bilang special adviser sang Independent Commission for Infrastructure.
Ini ang ginkumpirma sang staff sang alkalde matapos gin-anunsyo sang Malacañang nga gina-review pa nila ang iya appointment bangud sa gina-alegar conflict of interest.
Ginsumiter ni Magalong ang iya resignation letter kay Presidente Ferdinand Marcos Jr. kahapon nga adlaw.
Nasaad sa sulat nga indi gid niya pagpabay-an ang panguna nga responsibilidad nga gintugyan sa iya sang iya mga nasakupan sa syudad sang Baguio nga amo ang mayor nga sentro sang iya serbisyo publiko.
Una na nga ginpahayag sang Malacañang nga maid-id nila nga ginatun-an ang appointment ni Magalong sa Independent Commision for Infrastructure bangud madumilian sini ang gobyerno nga mag-uyat sang duha ka posisyon.
