Padayon ang monitoring sang weather bureau sa Tropical Storm Jangmi nga yara pa sa guwa sang Philippine Area of Responsibility (PAR) subong nga hapon.
Suno sa report, ang sentro sang bagyo ang nahamtang sa kalayuon nga 1,235 kilometers nasidlangan sang Southeastern Luzon.
Ang bagyo ang may maximum sustained winds nga 75 kph malapit sa sentro kag pagmadlos tubtob 90kph.
Sa subong, nagahulag ini pa-North-Northwest apang mahinay ang paghulag sini.
Samtang, apektado man ang panahon sa pungsod bangud sa habagat nga hangin nga nagadala sang magal-umon nga kalangitan kag pag-ulan sa Palawan kag nakatundan nga bahin sang Visayas kag Mindanao.
Magluwas sini, ang trough sang Tropical Storm Jangmi ang naga-apekto sa nabilin nga bahin sang Mindanao nga nagatuga sang pag-ulan kag pagpanaguob sa pila ka mga lugar.
Apisar nga wala pa direkta nga naapektuhan sang bagyo ang pungsod, ginapanugyanan ang publiko nga bantayan ang mga advisories sang mga eksperto angot sa nasambit nga weather disturbance.
