Padayon nga nagbaskog ang Tropical Depression Luis samtang nagahulag ini sa ibabaw sang kadagatan sa sidlangan sang Aurora, suno sa 2:00 a.m. tropical cyclone bulletin gikan sa Philippine Atmospheric, Geophysical and Astronomical Services Administration (PAGASA).
Ulihi nga nakit-an ang sentro sang bagyo 185 kilometers east-northeast sang Baler, Aurora, ukon 125 kilometers east sang Casiguran, Aurora.
Nagahulag ini pa-west-northwest sa kadasigon nga 15 kph, nga may kabaskugon nga hangin nga 55 kph malapit sa sentro kag pagmadlos nga nagalab-ot sa 70 kph.
Yari ang mga lugar nga nagapabilin sa Tropical Cyclone Wind Signal No.1 bahin sang Cagayan, Isabela, Quirino, eastern kag southern Apayao, eastern Kalinga, eastern Mountain Province, eastern Ifugao, northern Aurora, the Polillo Islands, kag northern portion sang Camarines Norte.
Suno sa state weather bureau, ginalauman nga magapadayon ang paghulag sang bagyo pa-aminhan nakatundan kag posible mag-landfall sa ibabaw sang Northern Luzon subong nga Lunes sang hapon ukon gab-i.
Pagkatapos sini, ang bagyo ginalauman nga magaliso pa-northeast antes sa ulihi maghalin sa Pilipinas.
Dugang pa sang weather bureau nga mahimo nga magluya liwat si Luis pagkatapos mag-landfall kag posible mag-degenerate sa remnant low sa Miyerkules antes lubos nga ma-absorb sang sirkulasyon sang Bagyong Dolphin.
