Napabilin ang kabaskugon sang Bagyo Paolo samtang padayon ini nga nagahulag sa nakatundan nga bahin sang Luzon.
Base sa monitoring sang Philippine Atmospheric, Geophysical and Astronomical Services Administration (PAGASA), ang sentro sang bagyo ang nahamtang sa kalayuon nga 225 kilometros East sang Batac, Aurora.
May kabaskugon ini sang hangin nga nagalab-ot sa 95 kilometros por ora kag pagmadlos nga nagalab-ot sa 115 kph.
Signal number 3 ang ginapasaka sa mga masunod nga lugar: Dilasag, Casiguran sa Aurora; Dinapigue, San Mariano, San Guillermo, Echague, Jones, San Agustin, Cordon, Siyudad sang Santiago, Ramon, San Isidro, Alicia, Anggadanan, Siyudad sang Cauayan, Benito Soliven, Naguilian, Luna, Reina Mercedes, Cabatuan, San Mateo, Aurora, San Manuel, Burgos, Gamu, Roxas, Palanan sa Isabela; Maddela, Cabarroguis, Aglipay, Saguday, Diffun sa Quirino; Diadi, Bagabag, Villaverde, Ambaguio, Quezon, Solano, Bayombong sa Nueva Vizcaya; Probinsya sang Bukid; Ifugao; Tubo sa Abra; Mankayan, Buguias, Kabayan, Bakun, Kibungan, Atok sa Benguet; Sugpon, Alilem, Cervantes, Suyo, Tagudin, Santa Cruz, Sigay, Quirino, Gregorio del Pilar, Salcedo, Santa Lucia, City of Candon, San Emilio, Galimuyod, Lidlidda, Banayoyo, Santiago sa Ilocso Sur kag ang mga lugar sang Sudipen, Santol, Balaoan, Luna, Bangar sa La Union.
Signal number 2 ang ginapataas sa mga lugar sang Peñablanca, Tuguegarao City, Enrile, Solana, Iguig, Tuao, Piat, Rizal sa Cagayan; nabilin nga bahin sang Isabela; Quirino, Nueva Vizcaya; Dinalungan, Dipaculao, Baler, Maria Aurora sa Aurora; Carranglan, Pantabangan sa Nueva Ecija; Conner sa Apayao; Kalinga, nabilin nga bahin sang Benguet; Nueva Era, Badoc, Pinili, City of Batac, Paoay, Currimao, Banna sa Ilocos Norte; nabilin nga bahin sang Ilocos Sur kag La Union.
Samtang ang signal number 1 ang ginapataas sa mga areas sang mainland Cagayan lakip na ang Babuyan Islands; nabilin nga mga bahin sang Aurora; General Nakar, Infanta sa Quezon; Polillio Island, Camarines Norte; Siruma, Tinambac, Lagonoy, Garchitorena, Caramoan, Goa, San Jose, Presentacion sa Camarines Sur; nabilin nga bahin sang Apayao, Ilocos Norte, Pangasinan, Nueva Ecija, ; Doña Remedios Trinidad, San Miguel, San Ildefonso, Norzagaray, San Rafael sa Bulacan; Magalang, Arayat, Candaba, Mabalacat City sa Pampanga; Palauig, Masinloc, Candelaria, Santa Cruz sa Zambales.
Wala nagbag-o ang paghulag sang bagyo kun sa diin ginalauman nga maga-landfall ini sa Isabela ukon Aurora subong nga aga ukon karon sa hapon.
