Wala nagbag-o ang kadasigon sang Bagyo Salome samtang nagahulag ini sa extreme northern Luzon.
Base sa datus sang Philippine Atmospheric, Geophysical and Astronomical Services Administration (PAGASA), ang sentro sang bagyo nahamtang mga 90-kilometer East Northeast sang Itbayat, Batanes.
May kabaskugon ini sang hangin nga nagalab-ot sa 55 kilometer por ora kag pagmadlos nga nagalab-ot sa 70 kph.
Mga lugar sang Batanes ang yara sa gihapon sa idalum sang typhoon signal number 1; Calayan Island., Dalupiri Island sa Babuyang Island; Bangui, Pagudpud, Burgos, Pasuquin, Bacarra, Laoag City sa Ilocos Norte.
Sa sulod sang 12 ka oras, ginalauman nga maga-landfall ang bagyo sa Batanes kag magalabay man sa isla sang Babuyan buwas sa aga, Oktubre 23.
Nagapaandam sa gihapon ang PAGASA nga maka-eksperyensya sang ulan ang mga lugar nga pagaagyan sang bagyo.
