Napabilin ang kabaskugon sang Bagyo Uwan samtang nagahulag ini padulong sa West Philippine Sea.
Suno sa Philippine Atmospheric, Geophysical and Astronomical Services Administration (PAGASA), ang sentro sang bagyo ang nahamtang sa kalayuon nga 245 kilometros west-northwest sang Laoag City, Ilocos Norte.
Ini ang may maximum sustained winds nga 120 kph kag gustiness nga 150 kph.
Signal number 2 ang ginpaidalom sa gihapon sa mga areas sang Batanes, Cagayan lakip na ang Babuyan Islands; ,Santo Tomas, Santa Maria, Quezon, Roxas, Delfin Albano, San Pablo, Cabagan, San Manuel, Mallig sa Isabela; Apayao, Abra, Kalinga, Mountain Province, Ifugao; Mankayan, Kapangan, Atok, Kabayan, Kibungan, La Trinidad, Sablan, Bakun, Buguias, Tublay sa Benguet; Ilocos Norte, Ilocos Sur; Luna, Caba, Santol, Bauang, Syudad sang San Fernando, San Juan, Bagulin, Aringay, Bangar, San Gabriel, Burgos, Naguilian, Bacnotan, Sudipen, Balaoan sa La Union; kag sa mga banwa sang Bolinao, Anda, Bani, Agno sa probinsya sang Pangasinan.
Samtang ang signal number 1 yara sa ibabaw sa mga lugar sang nabilin nga bahin sang Isabela, Quirino, Nueva Vizcaya, nabilin nga bahin sang Benguet, nabilin nga bahin sang La Union, nabilin nga bahin sang Pangasinan, Aurora, Nueva Ecija, Zambales, Bataan, Tarlac, Pampanga, Bulacan, Metro Manila, Cavite, Laguna, Batangal, Batangal Rizon, lakip na ang mga isla sang Quello
Ginalauman nga lubos nga magaluya ang Bagyo Uwan sa tion nga maglab-ot ini sa kadagatan nga nasakop sang Taiwan sa Miyerkules ukon buwas nga adlaw.
Matapos maghalin sa Philippine Area of Responsibility (PAR) sang subong nga aga, liwat ini nga magasulod sa PAR sa gab-i sang Miyerkules, samtang naga-landfall ini sa southwestern Taiwan.
Nagpaandam man ang PAGASA nga maka-eksperyensya sa gihapon sang pag-ulan ang mga lugar nga yra sa gihapon sa typhoon signal.
