Labi pa nga nagbaskog kag isa ka super typhoon ang bagyo nga may international name nga “Champi” samtang padayon ini nga ginabantayan sa guwa sang Philippine Area of Responsibility (PAR) subong nga adlaw.
Suno sa state weather bureau, ginalauman nga magasulod ang bagyo sa PAR sa Martes, Oktubre 20, sa diin hatagan ini sang local name nga “Rosal”.
Ang Super Typhoon Champi ang natalana nga magahulag sa west-northwest nga direksyon padulong sa Taiwan ukon Ryukyu Islands samtang nagalabay ini sa Philippine Sea.
Apisar nga manubo ang posibilidad nga maka-landfall ini sa bisan diin nga bahin sang pungsod, nagpaandam ang mga eksperto nga ang extension ukon trough sini ang magatuga sang mabaskog nga pag-ulan sa nasidlangan nga bahin sang Luzon kag Visayas.
Mahimo man nga ipataas ang Tropical Cyclone Wind Signal No. 3 ukon 4 sa Extreme Northern Luzon, kasubong sang Batanes kag Babuyan Islands, samtang ginapabaskog man sini ang gale warning sa mga baybayon sang pungsod.
