Labi pa nga nagbaskoh ang Tropical Depression Kiyapo samtang nagahulag sa ibabaw sang kadagatan sa sidlangan sang probinsya sang Cagayan suno sa Philippine Atmospheric, Geophysical and Astronomical Services Administration (PAGASA).
Sa weather bulletin nga ginpaguwa pasado alas 8:00 sang gab-i, katapusan nga nahamtang ang sentro sang bagyo sa 540 kilometers east-northeast sang Casiguran, Aurora.
May kabaskugon ini sang hangin nga nagalab-ot sa 55 kph malapit sa sentro kag pagmadlos nga nagalab-ot sa 70 kph.
Nagahulag ini pa-West-Northwest sa kadasigon nga 30 kph.
Tropical Cyclone Wind Signal (TCWS) No.1 sa mga probinsya sang:
Batanes
Cagayan including Babuyan Islands
Isabela
Apayao
Abra
Kalinga
Mountain Province
Ifugao
Ilocos Norte
Ilocos Sur
the northern portion of Aurora (Dilasag, Casiguran, Dinalungan)
the northern portion of Nueva Vizcaya (Bagabag, Diadi, Bayombong, Ambaguio, Villaverde, Quezon, Solano)
the northern portion of Quirino (Maddela, Cabarroguis, Saguday, Diffun, Aglipay)
the northern portion of Benguet (Buguias, Mankayan, Bakun, Kibungan)
Suno sa PAGASA, posible nga malab-ot ang Tropical Cyclone Wind Signal No.2 amo ang pinakamataas nga paandam nga ipataas samtang nagatabok ang bagyo sa pungsod.
Apang wala man ginadula ang posibilidad nga mapataas ang Signal No. 3 kon magbaskog ang bagyo kag mangin grabe nga tropical storm samtang nagalabay sa Batanes kag Babuyan Islands.
Ang Tropical Depression Kiyapo ginalauman nga magalabay ukon posible mag-landfall sa palibot sang Babuyan Islands sa tunga-tunga sang Biernes sang hapon kag Biernes sang gab-i.
Pag-abot sang Sabado, amo man nga kondisyon ang ma-eksperyensyahan sa malapad nga bahin sang Luzon kag Visayas, lakip ang Zamboanga del Norte, Davao Oriental kag Dinagat Islands.
