Nag-landfall na ang Tropical Depression Luis sa Maconacon, Isabela, suno sa weather bulletin gikan sa Philippine Atmospheric, Geophysical and Astronomical Services Administration (PAGASA).
Base sa PAGASA, ulihi nga nasiplatan ang sentro sang bagyo sa palibot sang Maconacon, Isabela.
Dala sini ang maximum sustained winds nga 45 kph malapit sa sentro kag pagmadlos nga nagalab-ot sang 75 kph.
Bangud sini, nagapabilin nga mataas ang Wind Signal No. 1 sa pila ka bahin sang Cagayan, Babuyan Islands, Isabela, kag pila ka bahin sang Apayao, Kalinga, Mountain Province, kag Ifugao.
Nagpaandam ang PAGASA sa mga residente sa apektado nga lugar nga mangin alerto sa posible minimal tubtub slight nga kahalitan tuga sang mabaskog nga hangin, ilabi na sa mga coastal areas kag mataas nga lugar kun sa diin posible maghuyop pa gid ang hangin.
Samtang, ginalauman man nga magabaskog ang Habagat ukon southwest monsoon, dala sang epekto sang bagyo sa malapad nga bahin sang Luzon kag Visayas, subong man sa pila ka mga probinsya sa Mindanao, lakip ang Zamboanga del Norte, Lanao del Norte, Misamis Occidental, Camiguin, Surigao del Norte, Dinagat Islands, Saragat Occidental, Daccio Oriental, Daccio Oriental tubtob buwas, Agosto 4.
