Baha sa pila ka mga barangay sa banwa sang Sapian, amat amat na nga naghubas

SAPIAN, CAPIZ – Amat amat na nga naghubas ang baha sa pila ka mga barangay sa banwa sang Sapian, matapos ang pagbubo sang mamunog nga ulan kagab-i.

Kalakip sa mga ginbaha nga barangay amo ang Dapdapan, Majanlud, Poblacion, Maninang kag housing units sa Bilao, Sapian.

Ginpahayag ni Alma Cordova, Municipal Disaster Risk Reduction and Management Office (MDRRMO) Officer II sang Sapian nga bangud sa insedente duha ka pamilya gikan sa Poblacion ang gin-evacuate.