-- ADVERTISEMENT --
ROXAS CITY – Nasunog ang balay sang isa ka negosyante sa Sanecra Subdivision, Barangay Gabuan, Roxas City kana sang kaaganhon.
Sa pagresponde sang Roxas City fire station sa balay ni Robert Santos 50-anyos, nahibaluan nga nagbiya ini para magpanindahan apang amo na lamang ang iya nga kakibot sang maabtan nga nagakasunog na ang iya nga balay.
Suno kay Fire Senior Inspector Stephen Jardeleza, Roxas City fire marshall nagaguwa sa inisyal nga imbestigasyon sang talatapan nga faulty electrical wiring ang ginhalinan sang sunog nga ginaalegar gikan sa sulod sang hulot sang negosyante.
Nahibaluan nga wala sang nabilin ng gamit ukon mga bayo si Santos, bangud naubos ini tanan sunog.
