Kumpiyansa naman si Ombudsman Jesus Crispin Remulla nga magabalik sa Pilipinas si Senador Loren Legarda kag ang anak sini nga si Batangas Representative Leandro Leviste matapos magbiya sa pungsod samtang nagapangatubang sa imbestigasyon sang Office of the Ombudsman.
Ang bagay nahanungod sa mga reklamo sa plunder kag graft nga ginpasaka batok kay Leviste kag sa iya kompanya sang renewable energy.
Ginpahayag ni Remulla nga nagapati siya nga magabalik sa pungsod ang mag-iloy, apang nagpaandam ini nga mahimo sila mag-atubang sang nagakaigo nga legal nga tikang kun indi sila makabalik.
“Baka gusto nilang umuwi na nakaposas ‘pag hindi sila, bumalik, hindi ba?” ani Remulla.
Samtang, ginklaro ni Senator Loren Legarda nga kabahin sang una na nga gin-aprubahan nga medical leave halin Agosto 3 tubtub 5 ang pagbiya sini sa pungsod, sandig sa pagsulundan sang Senado.
Ginpangabay man sini ang publiko nga indi pag-angot ang iya pagbiyahe sa iya ginlaragway nga wala sang basehan nga mga alegasyon batok sa iya.
“I ask the public not to draw unwarranted conclusions from my travel or link it to the recent false and baseless allegations, which undeservedly besmirch a reputation that I have built over decades of public service,” pahayag ng senadora.
