CATAINGAN, MASBATE- Nakabuhi ang isa ka baka nagikan sa ginkudalan nga bahin sang Matayum Lagoon sa Cataingan, Masbate sang Sabado.
Isa ini sa mga baka nga kinahanglan kuntani dakpon sa pahampang nga ‘Juego del Toro’ nga ginpasakupan sang mga katapo sang Disaster Risk Reduction and Management (DRRM) nagikan sa nagkalain-lain nga probinsya sang Bicol. Nag-deretso ang baka sa dagat kag naglangoy palayo sa pangpang—hitabo nga nakuhaan sang drone video.
Luwas naman nga na-rescue ang nasambit nga sapat.
Suno kay Lt. John Louis Sibayan, Commander sang Coast Guard Masbate, natyempohan nga nagapatrolya sila sa lugar rason nga gilayon nila nga naaksyonan ang insidente.
Ginabulubanta duha ka kilometro ang ginlangoy sang baka gikan sa pangpang. Naglab-ot naman sang 15 tubtob 30 minutos ang operasyon sang pagrescue bangud sa makilas kag nagapanginpadlos ang sapat, labi pa sang nakainom ini sang tubig-dagat.
