ROXAS CITY – Patay ang isa ka Baka matapos nga mabungguan sang salakyan, sa Brgy. Cogon, Panay Capiz, alas-8 kagab-i, Setyembre 3.
Sandig sa inisyal nga imbestigasyon sang Panay MPS, ginamaneho ni Apollo Gentolea Malan, 47 anyos, ang Toyota HI-ACE kag residente sang Brgy. Milibili, Roxas City, nagikan ini sa Pontevedra kag padulong sa syudad sang Roxas, apang pag-abot sa lugar, hinali nga nagtabok suno diri ang baka nga ginapanag-iyahan ni Jose Benjie Hibaler Demontaño, 57 anyos, isa ka public school teacher, kag residente sang Villa Esperanza, banwa sang Pontevedra.
Bangud sa impact sang pagkabunggo, nagupi ang nauna nga bahin sang salakyan, samtang patay naman ang Baka.
Ginahibalo pa kun pila ang nangin kahalitan sa nagluntad nga aksidente kag nagapadayon ang imbestigasyon sang mga kapulisan.
