Malapit na nga mangin available ang bakuna kontra sa African Swine Fever (ASF) para sa commercial distribution, suno sa Department of Agriculture (DA).
Suno sa ahensya pinaagi sa isa ka statement nagikan sa Presidential Communications Office (PCO), ang commercial trial para sa mga bakuna natalana nga aprubahan sang Food and Drug Administration (FDA) sa sulod sang duha ka semana.
Bangud sini, ginalauman ni Tiu Laurel nga sa oras mangin available na ang nasambit nga bakuna mapunggan na sini ang paglapta sang sakit sa Pilipinas nga naga-utas sang kabuhi sang mga hinuptanan nga baboy kag naga-apekto sa suplay sang karne sa merkado.
Mahibaluan nga linibo nga baboy ang nagkalamatay sa pungsod sadtong 2020 kung sa diin nakaapekto ini sa hog production sang pungsod.
Luwas naman suno diri nga kaunon sang publiko ang karne sang baboy nga napatay bangud sa sakit apang wala ini ginarekomendar sang gobyerno.
Sang damlag lang ginhatagan sang pagtamud ni Pangulong Ferdinand “Bongbong” Marcos ang importansya sang bakuna kontra ASF agud makabangon ang swine industry sang Pilipinas.
