Bakuna sa 2nd dose sang sinovac vaccine para sa medical health workers, nagapadayon -DOH-CAPIZ PIO

Padayon ang pagbakuna sa 2^nd dose sang Sinovac vaccine sa mga medical health workers sa Roxas Memorial Provincial Hospital.

Ginpahayag ni Mr. Joeffrey Espiritu, Development Management Officer IV sang Department og Health (DOH)-Capiz nga tanan nga ginbakunahan sang 1^st dose sang Sinovac vaccine sa RMPH ang nakabaton na sang 2^nd dose sang amo nga vaccine.

Ginapakadto naman sa Provincial Health Office ang mga representante sang district kag private hospitals agud ila na makuha ang 2^nd dose sang covid-19 vaccine nga gamiton sa pagbakuna sa ila mga medical health workers.

Aminado man si Espiritu nga may duha ka mga health workers nga nabakunahan sa 1^st dose ang wala na ginhatagan sang 2^nd dose matapos nga nag-angkon sila sang allergy.

Apang ginklaro sang opisyal nga indi severe ang epekto sang nasambit nga vaccine sa duha ka wala gintumod nga medical health workers.

Ginpahayag ni Espiritu nga matapos nga makumpleto na sa bakuna kontra sa COVID-19 ang mga health workers sa probinsiya, nagasunod sa priority group ang mga senior citizen kag adults nga may comorbidity.

Samtang ginpasiguro sini nga wala sang bisan sin-o nga lokal nga opisyal nga nakapabakuna na kabaliktaran sa nagakahinabo sa iban nga lugar, bangud istrikto nga ginapatuman ang pagsulundan.