Partially burned ang isa ka balay sa Sitio Malamig, Barangay Poblacion, Sapian, Capiz.
Ginkilala ang tag-iya sang amo nga puluy-an kay alyas “Jackielyn”, 58-anyos.
Sa interview sang Bombo Radyo kay FO1 Dennis Obidos, Fire Truck Operator/Investigator sang Bureau of Fire Protection – Sapian ginpahayag sini nga base sa inisyal nga imbestigasyon, nagsugod ang amo nga sunog takna alas-5:10 sang hapon, Nobyembre 4.
Dugang pa sini, personal nga nagpadulong ang bata sang tag-iya sa ila talatapan kag nag-report sa ila nga may nagluntad nga sunod sa nasambit nga lugar. Gilayon naman nga ginrespondehan sang BFP-Sapian ang insidente kag nag-deklarar sang fire out takna alas-5:17 sang hapon.
Sa karon, padayon pa nga gina-imbestigaran sang mga otoridad ang lugar agud matumod ang matuod nga gintunaan sang nasambit nga insidente.
