Balay, naguba matapos gin-arado sang isa ka salakyan sa Barangay Lanot

ROXAS CITY – Naguba gid ang porsyon sang isa ka balay sa Barangay Lanot, Roxas City matapos nga gin-arado sang isa ka salakyan.

Ang nasambit nga salakyan ang nagaduag pula nga may yara sang plate number DAO-6263 nga ginapanag-iyahan ni Basilio Bides sang Barangay Agkilo, Panit-an, Capiz.

Base sa inisyal nga impormasyon, nagikan sa Barangay Loctugan ang nasambit nga salakyan kag padulong kuntani sa siyudad sang Roxas sang aksidente sini nga naarado ang isa ka balay sa kilid sang karsada.

Bangud diri, naguba ang pader sang amo nga balay nga human sa light materials kag nagkalabuka man ang salamin kag nakaangkon sang guba ang nasambit nga salakyan.