-- ADVERTISEMENT --
PONTEVEDRA, CAPIZ – Nagalab-ot sa P30, 000 ang kantidad sang kahalitan nga natuga sang nagluntad nga sunog sa Barangay Linampungan, Pontevedra, Capiz.
Nasunog ang balay nga human sa mixed light materials nga ginapanag-iyahan ni Jolita Ortizo, 60 anyos.
Suno kay FO2 JUnel Daniel, arson investigator sang Pontevedra Municipal Fire Station, posible naling-an nga kalayo sa dalapugan ang gintunaan sang sunog bangud nagaluto sang bibingka si Ortizo.
Madasig nga naglapta ang kalayo bangud wala si Ortizo sang nagluntad ang sunog kag ang iya gid lamang anak nga may kasablagan sa lawas ang nabilin sa ila balay.
Napalong ang kalayo sa pagbululigan sang mga residente kag natigayon man nga masalbar sa katalagman ang anak ni Ortizo.
-- ADVERTISEMENT --
