Balay nga human sa light materials, gintupok sang kalayo sa banwa sang Mambusao

MAMBUSAO, CAPIZ – Gintupok sang kalayo ang isa ka balay sa Barangay Balit, Mambusao, Capiz.

Ang nasambit nga balay nga human sa light materials ang ginapanag-iyahan ni Roselyn Loro, 43 anyos.

Base sa inisyal nga impormasyon nga nakuha sang Bombo Radyo, nakabaton sang pagpanawag ang Mambusao Municipal Fire Station gikan sa isa ka concerned citizen nga may nasunog nga balay sa amo nga lugar.

Ginapahayag nga wala sang tawo sa amo nga balay sang natabo ang sunog rason nga madasig nga naglapta ang kalayo.

Sa karon, padayon pa nga gina-imbestigahan sang mga otoridad ang nasambit nga insidente agud matul-id ang gintunaan sang sunog kag kun pila ang kabug-usan nga kahalitan nga natuga sini.