ROXAS CITY – Totally burned ang balay sang pamilya Mayo matapos ini nga masunog kaina sang aga sa Sitio Manaba, Barangay Matagnop, Dao.
Abo na ang balay sang mag-asawa nga Dionito kag Zenaida Mayo sang magresponde ang mga katapu sang Dao Municipal Fire Station bangud sa madasig nga paglapta sang kalayo nga nagtupok sa bilog nga balay nga human sa mixed materials.
Ginpahayag ni Tatay Dionito nga nagaisahanon lamang sa ila balay ang ugangan nga babaye sang nagluntad ang sunog bangud yara sila nga mag-asawa sa YARA uyapad.
Sa maayo nga palad nakaguwa sa balay ang ugangan ni Dionito antes pa man nagdaku kag naglapta ang kalayo.
Suno sa biktima nga naubos gid sunog ang kapin sa 20 ka sako nga humay, mga bayo, gamit sa pamanday kag ang ila nga telebisyon.
Ang ila lamang naluwas amo ang hinuptan nga baboy nga madasig nakaguwa sa nasunog nga tangkal.
Padayon sa karon ang imbestigasyon sang mga arson investigators kun ano ang gintunaan sang sunog, apang nagaguwa sa inisyal nga report nga loose connection ang gintunaan sang kalayo.
