ROXAS CITY – Ginsulod sang wala pa matumod nga kawatan ang isa ka balay sang damlag lang sa Sitio Cabadiangan, Barangay Dinginan, Roxas City.
Ginkilala ang tag-iya sang balay nga si Lolina Francisco 63-anyos nga residente sang nasambit nga lugar.
Base sa panaysayon ni nanay Lolina sang ma-interview sang Bombo Radyo, alas 4:00 sang kaagahon sang hana nga ma-charge ini kun tani apang natalupangdan na lamang sini nga wala na ang iya nga cellphone kag wallet nga nakatungtong sa kabinet malapit sa kwarto nga ila ginatulugan.
Natukiban na lamang sini nga ginpangkuha ang mga jealousy sa ila bintana sa kusina nga posible amu ang gin-agyan sang kawatan kag nakit-an man sini nga yara na sa guwa sang bintana ang wallet apang wala na ang unod nga kwarta nga nagabalor sang P1,600.
Nagapasalamat naman ini nga wala sang may malain nga natabo sa ila sang iya bata nga babaye bangud sila lamang nga duha ang tawo sa tion nga ginsulod ang ila balay sang wala pa matumod nga makawat kag malapit lamang ang ila kwarto sa nahamtangan sang cellphone kag wallet.
Panawagan ni nanay Lolita sa mga Brgy. Officials sang Dinginan nga kuntani mahatagan sang nagakaigo nga aksyon ang nasambit nga insidente.
