Balay sang 59-anyos nga lalaki, nasunog sa banwa sang President Roxas, Capiz

Nasunog ang balay sang isa ka 59-anyos nga lalaki sa Sitio Awa, Barangay Poblacion, banwa sang President Roxas, Capiz kagab-i sang Enero 2, 2026.

Ang biktima amo si Edwin Deceo, 59 anyos, kag residente sang amo nga lugar.

Sandig sa report, nagluntad ang insidente sang banda alas-8:30 sang gab-i.

Madasig man nga gin-respondehan sang mga katapo sang Bureau Of Fire Protection ang nasambit nga sunog kag gin-deklarar nga fire out ang sunog sang alas-8:40 sang amo man nga gab-i.

Ginabulubanta nganakalab-ot sa Php 150,000 ang kahalitan sang sunog.

Sa subong, nagapadayon ang imbestigasyon sang mga otoridad sa posible gintunaan sang nasambit nga sunog.