-- ADVERTISEMENT --
ROXAS CITY – Ginabulubanta nga kapin sa P42,000 ang nangin kahalitan sang nagluntad nga sunog sa balay ni Mayor Tito Mayo sa Barangay Poblacion Takas, Cuartero, Capiz.
Ini ang ginpahayag ni FO1 Tomas Tomagan imbestigador sang Cuartero Municipal Fire Station sang mainterview sang Bombo Radyo Roxas.
Suno kay Tomagan nga nagikan ang kalayo sa stock room sa ikaduha nga panalgan sang balay ni Mayo kun sa diin nahamtang ang breaker sang kuryente.
Bangud diri, madasig naman nga nagresponde ang mga katapo sang Bureau of Fire Protection ukon BFP sa lugar kun sa diin madasig man gilayon nga napalong ang kalayo.
