ROXAS CITY-Nagreklamo sa Roxas City Police Station ang director sang isa ka BPO company matapos nga gin-alegar ginsulod sang kawatan ang balay sa Barangay Cagay, Roxas City.
Ginkilala ang biktima sa kay Karl Len Graham 40-anyos residente sang nasambit nga lugar.
Sandig sa ginpabalhag sang biktima ginaalegar sini nga nadiskubrehan lamang sini sang nagpauli na sa ila nga balay, nga bukas ang bintana sang iya hulot.
Sang ginsekyar ang mga kagamitan, nadiskubrehan nga wala ang box nga may unod nga mga alahas.
Kalakip sa mga gintaban sang mga kawatan amo ang duha mga wedding ring kaf engagement ring nga may yara sang kabug-osan nga balor nga nagalab-ut sa P50,000, kulintas nga may diamond nga nagabalor sang P50,000 kag laptop.
Ginabulubanta naglab-ut sa P200,000 ang kabu-osan nga balor sang mga ginkawat nga mga kagamit.
Suno pa iloy sang biktima nga nabatyagan sini nga nagnilahay ang mga ido sang tion sang kaaganhon.
Suno naman sa Graham nga makaduha na ini ka beses nga ginsulod sang mga kawatan.
