Balay sang OFW ginsulod sang kawatan, mga pagkaon sa refrigerator gintaban sa Barangay Cagay, Roxas City

ROXAS CITY-Nagreklamo sa Roxas City Police Station ang isa ka OFW matapos nga ginaalegar ginsulod sang kawatan ang ila nga panimalay sa Villa San Lorenzo Subdivision, Barangay Cagay, Roxas City.

Suno sa alegasyon sang wala na nagpakilala nga biktima nga naabtan sini nga bukas ang bintana sa ikaduha nga panalgan sang ila nga panimalay.

Sa pagpangusisa sini, natukiban nga ang mga kagamitan sa sulod sang ila nga hulot ang gin-ukay sang wala matumod nga person

Dugang pa sini nga ang mga pagkaon sa ila nga refrigerator ang nadula na kag ginapatihan nga gintaban sang kawatan.

Sa karon nagapadayon ang imbestigasyon sang mga otoridad agud matumod ang responsable sa amo nga insidente.