Balay sang singer nga si Rihanna, ginpaulanan sang bala

Gina-imbestigaran sang kapulisan sang Los Angeles ang pagpaulan sang bala sa balay sang singer nga si Rihanna.

Nakabaton sang tawag ang Los Angeles Police Department pagkatapos sang pagtiro sa balay sang singer sa Beverly Hills.

Narekober sang kapulisan ang isa ka armas nga wala mahibaluan ang kalibre sa lugar.

Base sa inisyal nga imbestigasyon, may nagpundo nga salakyan sa atubang sang balay sa diin isa ka babaye nga ginabanta 30 anyos ang nagpalupok sang armas sa balay sang singer.

Wala naman sang may nasamaran sa insidente samtang yara sa sulod sang iya mansyon ang singer.