JAMINDAN, CAPIZ – Nagdangat sa P15,000 ang nangin kahalitan sang sunog nga nagluntad sa Barangay Agambulong, Jamindan, Capiz.
Totally burned ang balay nga ginapanag-iyahan ni Jerry Bacaro, 32 anyos sang nasambit nga lugar.
Base sa inisyal nga imbestigasyon nga ginaalegar nga hungod ini ginsunog sang suspek nga si Joner Catalan, 24 anyos sang Barangay Bago Chiquito, Panay, Capiz.
Nahibaluan nga ginbasyahan sang suspek sang gasolina ang balay matapos nga nagpadulong ini sa iya babayi nga naluyagan nga natabuan man nga live-in partner ni Bacaro.
Bangud diri, wala na nagpangduha-duha ang suspek nga sunogon ang nasambit nga balay.
Sa karon, nakahunong na sa karsel sang Jamindan Municipal Police Station ang nasambit nga suspek.
Samtang, padayon naman ang imbestigasyon sang mga otoridad sa nagluntad nga insidente.
