Ginabanta nga magataas sang P4 kada kilowatt hour ang pagsaka sa taripa sang kuryente sa bulan sang Abril suno sa Energy Regulatory Commission (ERC).
Ginpaathag ni ERC chair kag CEO Francis Saturnino Juan nga ang isa ka simulation nga ginpatigayon sang Independent Electricity Market Operator of the Philippines (IEMOP) base sa trend sang presyo sang langis nagapakita sang potensyal nga pagsaka sang P2 tubtub P4 kada kWh.
Magluwas sa epekto sang mga pag-atake sa mga rehiyon nga nagapatubas sang langis, ang mas mataas nga demand sa tion sang tig-ilinit kag posible nga mga outage sa mga planta sang kuryente ginkonsiderar man.
Ginapakita man sang simulation nga ang mga thermal generator ginalauman nga magapataas sang ila presyo sa masunod nga pagtaas sang presyo sang langis bilang kabahin sang pagbawi sang gasto.
Una na nga ginpahayag si Energy Secretary Sharon Garin nga ang geopolitical tension mahimo magresulta sa 16% nga pagtaas sang presyo sang kuryente.
